Kaixo! Ongi etorri Basque.-era Euskal kultura eta sorkuntzari begiratzeko leihoa
Sormenaren lurraldea
Sormenaren lurraldea Ezagutu euskararen lurraldea
Tradizioen lurraldea
Tradizioen lurraldea Ezagutu euskararen lurraldea
Inspirazioaren lurraldea
Inspirazioaren lurraldea Ezagutu euskararen lurraldea
Zaporeen lurraldea
Zaporeen lurraldea Ezagutu euskararen lurraldea
Artearen lurraldea
Artearen lurraldea Ezagutu euskararen lurraldea
Kulturaren lurraldea
Kulturaren lurraldea Ezagutu euskararen lurraldea
Autentikotasun lurraldea
Autentikotasun lurraldea Ezagutu euskararen lurraldea
Euskararen lurraldea
Euskararen lurraldea Ezagutu euskararen lurraldea
Basqueculture

Basqueculture.eus euskara eta euskal kultura, artea, sormenari buruzko webgune ofiziala da. Gure kulturara hurbildu nahi dutenentzat leiho bat. Gure kulturaren protagonisten eskutik euskararen lurraldea ezagutzeko bide bat. Etxepare Euskal Institutuak sustatutako proiektua.

Artikuluak

Musika

Euskal artistak zuzeneko aparraldian

Pop eta rockaren figura historikoetatik hasi eta musikari gazteen belaunaldi apurtzaile eta bikainarekin buka, gero eta talde eta bakarlari gehiagok agortzen dituzte sarrerak areto handietan.

Euskal mitologia pantailetatik kontatuta
Zinema eta ikus-entzunezkoak

Euskal mitologia pantailetatik kontatuta

Euskal mitologia zinemaren bitartez kontatzen ari dira, eta horren adibide, ezinbesteko izenburu hauek: ´Errementari´, ´Akelarre´ edo´Irati´.

Basqueculture.eus ikus-entzunezkoak, musika, liburugintza, arte eszenikoak eta artearen sektorearen inguruko informazioa bilatzen duten profesionalentzako sarbidea ere bada, baita ondarearen eta hizkuntzaren esparruari buruzko informazioa eskuratzeko baliabidea ere. Webgune honen bidez alor horietako eragile nagusiekin harremanetan jar zaitezke.

Harremanetan jarri

BASQUE. 10 PUNTUTAN

Lurra

01. Euskararen Lurraldea

Euskararen lurraldea, Euskal Herria izenez ezagun, Europako hegoaldean dago, Pirinioetako mendebaldean. Mendikatearen bi aldeetara hedatzen da, ibarrak eta lautadak zeharkatu eta Kantauri itsaso biziraino. Antzina-antzinakoa da bere historia, kultura berezi bat du, eta munduan berdinik ez duen hizkuntza bat. Euskal Herria anitza eta abegikorra da. Eta dena dago hurbil. Bere gizarte modernoak ondo jakin du garai bakoitzera moldatzen, eta era horretan lortu du Europaren aitzindaritzan kokatzea bizi-kalitateari eta giza garapen jasangarriari dagokienez.

Hizkuntza

02. Euskara, jatorri ezezaguna duen antzinako hizkuntza

Europako hizkuntza bizi zaharrena da euskara. Bere jatorriak misterio bat izaten jarraitzen du: ezezaguna da bere sorburua eta ez du ahaidetasun zuzenik beste hizkuntza batzuekin. Euskarak mendeetan iraun du bizirik, eta berari esker eutsi diote euskaldunek kultura propio eta jori bati. Nabarmentzekoa da bertsolaritzaren oraingo egoera bikaina, bere kemena eta entzute handia. Gaur egun, 900.000 euskara hiztun inguru daude, eta nabaritasuna hartu du hezkuntzaren, kulturaren eta gizartearen eremuan, baita mundu digitalean ere.

Gizartea eta tradizioak

03. Nortasun handiko lurraldea

Erroak sustraituta dituen lurraldea da, eta berezitasunez jositako kultura baten jabe. Tradizioek, folkloreak eta mitologiak, hizkuntzarekin batera, leku gailen bat hartzen dute imajinario kolektiboan: iraganari begiratzeko balio izateaz gainera, etorkizunerantz proiektatzeko oinarria dira. Lurralde moderno bat da gaur egun, eta elkar hartuta bizi dira bertan tradizioa eta abangoardia.